سياسة الخصوصية

1. شكون حنا

Matjary (matjary.online) تطبيق لتسيير المحلات: الكاسة، الستوك، الكريدي، الفاتورات، الموردين، التوصيل والمتجر أونلاين. هاد السياسة كتشرح شنو هي البيانات اللي كنعالجو، علاش، وشنو هي الحقوق ديالك، طبقا للقانون المغربي رقم 09-08 المتعلق بحماية الأشخاص الذاتيين تجاه معالجة المعطيات ذات الطابع الشخصي.

2. البيانات اللي كنعالجو

الحسابات ديال المحل: السمية، الإيميل ولا المعرف، التيليفون والمودباس (محفوظ مشفر، ما كيتقراش).

البيانات اللي كيدخل مول المحل: السلعة، البيوعات، الفاتورات، الدوفيات، الكليان (السمية، التيليفون، عنوان التوصيل، الكريدي)، الموردين، الليفرورات والتوصيلات.

الفضاءات ديال الكليان، الليفرور والمورد: المعلومات اللي كيبارطاجي معاهم المحل، والطلبيات اللي كيديرو.

طلبات التسجيل من هاد الموقع: السمية، التيليفون، المحل، المدينة والملاحظة.

بيانات تقنية: الكوكيز الضرورية (الدخول، اللغة، المحل المحلول فالجهاز) والاشتراك فالإشعارات إلا فعلتيها.

3. علاش

باش يخدم التطبيق (البيع، الفاتورات، الكريدي، التوصيل، الإشعارات)، باش نعيطو ليك من بعد طلب التسجيل، للأمان والمساعدة، ولتسيير الاشتراك ديالك. ما كنبيعوش البيانات ديالك وما كنستعملوهاش للإشهار.

4. الدور ديال مول المحل

البيانات ديال الكليان، الموردين والليفرورات ديال المحل هي ديال هاد المحل، وهو المسؤول عليها. Matjary كيعالجها لصالحو، غير باش يقدم الخدمة. مول المحل كيعلم الكليان ديالو وكيحترم القانون 09-08 (بما فيه التصريح للجنة الوطنية CNDP إلا كان واجب).

5. البارطاج

البيانات ما كتبارطاجاش غير مع اللي اختار المحل (بحال الكليان اللي كيتوصل بالفاتورة ديالو)، ومع المزودين التقنيين الضروريين (السيرفورات، الإشعارات)، اللي ملزمين بالسرية. عمرنا ما كنبيعو ولا كنكريو البيانات.

6. الأمان والمدة

اتصال مشفر (HTTPS)، مودباسات مشفرة، ولوج محدود، ونسخة احتياطية كل نهار. البيانات ديال المحل كتبقى طول الاشتراك، ومن بعد كتمسح على حسب الطلب ولا فمدة معقولة من بعد نهاية الخدمة، إلا إلا كان القانون كيفرض الحفظ (بحال المحاسبة). طلبات التسجيل اللي ما كملاتش كتمسح من بعد 12 شهر.

7. الكوكيز

كنستعملو غير الكوكيز الضرورية: باش تبقى داخل، باش تبقى اللغة اللي ختاريتي، وباش نلقاو المحل ولا الفضاء المحلول فالجهاز. ما كاينش كوكيز ديال الإشهار ولا التتبع.

8. الحقوق ديالك

تقدر تطلب تشوف البيانات ديالك، تصححها، تمسحها، ولا تعترض على المعالجة ديالها لسبب مشروع. صيفط لينا فواتساب وغادي نجاوبوك فأقرب وقت. وتقدر تتواصل مع اللجنة الوطنية CNDP (www.cndp.ma).

9. التعديلات

نقدرو نحدثو هاد السياسة؛ التاريخ اللي لفوق كيبين آخر نسخة.